मनातल्या मनात मी तुझ्यासमीप राहतो !
तुला न सांगता तुझा वसंत रोज पाहतो !
अशीच रोज नाहुनी लपेट उन्ह कोवळे
असेच चिंब केस तू उन्हात सोड मोकळे
तुझा सुगंध मात्र मी इथे हळूच हुंगतो !
अशीच रोज अंगणी लवून वेच तू फुले
असेच सांग लाजुनी कळ्यांस गूज आपुले
तुझ्या कळ्या, तुझी फुले इथे टिपून काढतो !
अजून तू अजाण ह्या कुंवार कर्दळीपरी
गडे विचार जाणत्या जुईस एकदा तरी
'दुरून कोण हा तुझा मरंद रोज चाखतो...?'
तसा न राहिला अता उदास एकटेपणा
तुझीच रूपपल्लवी जिथे तिथे करी खुणा
पहा कसा हवेत मी तुझ्यासवे सळाळतो !
तुला न सांगता तुझा वसंत रोज पाहतो !
अशीच रोज नाहुनी लपेट उन्ह कोवळे
असेच चिंब केस तू उन्हात सोड मोकळे
तुझा सुगंध मात्र मी इथे हळूच हुंगतो !
अशीच रोज अंगणी लवून वेच तू फुले
असेच सांग लाजुनी कळ्यांस गूज आपुले
तुझ्या कळ्या, तुझी फुले इथे टिपून काढतो !
अजून तू अजाण ह्या कुंवार कर्दळीपरी
गडे विचार जाणत्या जुईस एकदा तरी
'दुरून कोण हा तुझा मरंद रोज चाखतो...?'
तसा न राहिला अता उदास एकटेपणा
तुझीच रूपपल्लवी जिथे तिथे करी खुणा
पहा कसा हवेत मी तुझ्यासवे सळाळतो !
