![](https://blogger.googleusercontent.com/img/b/R29vZ2xl/AVvXsEhCJREjoEntmEN0xX3dVIWcARLEBc1MPrOezHHjBqrP-AVmteBh4bqrbhR6G6UEckws8kGI5jFw8uSSr5twJVSPF6cWDrnueplnCJj91L1nMNjKnZ1ZlNU7W9OZ33nNZBAxipr1o_RILbCk/s400/Padma.jpg)
अशी जाणीव झाली की
डोळे वळतात आत;
आतला सगळा गोंधळ पाहून
होतात अचंबित.
अहंची रानटी रोपटी,
बिनओळखीची पाळंमुळं,
झणाणणार्या वीणाबिणा,
एकदोन पक्षी आभाळखुळे.
--- पण खुज्या खुज्या सृष्टीतसुद्धा
समुद्र केव्हा वादळतात;
काळेकुट्ट ढग येतात;
वादळवारे झंजाट सुटून
ढग असे बरसतात --
असे... असे बरसतात की
खुजेपणा निघतो धुवून
क्षणभर पडतं लख्ख ऊन !
-- त्या क्षणाच्या आठवणींवर
खुजा जीव जगू पहातो;
क्षणभर थोड उंच होऊन
पाऊल थोडं पुढं टाकतो !
खूप छान!
ReplyDeleteत्या क्षणांच्या आठवणींवर
ReplyDeleteखुजा जीव जगू पहातो;
क्षणभर थोडं उंच होऊन
पाऊल थोडं पुढं टाकतो!
वा!कविता छानच आहे.
ReplyDeleteअनुमोदन
ReplyDelete