Friday, April 30, 2021

पु.शि. रेगे: गंधरेखा

एक आहे झाड माझे
राठ ज्याच्या जीर्ण शाखा;
सठीषण्मासी परंतु
लाख येती ज्या शलाका.
झाड माझे लाल ज्याला
आग्रहाची लाख पाने;
आणि माझी बंडखोरी
घोषतो मी गात गाणे.
झाड माझे लाखमोली
लाल ज्याला फक्त पाने,
नेणता ये एक त्याला
शुभ्र काही जीवघेणे.
एक ज्याला जाणीवेच्या
लांच्छनाच्या गंधरेखा;
पाहतो मी ज्यात माझे
झाड माझ्या आणाभाका.

No comments:

Post a Comment