आणि लक्षात ठेव
हा एक खेळ आहे
खेळाच्याच नियमांनी
बांधलेला
निर्मळ बिलोरी आनंदात
सांधलेला
आघात करायचा
पण रक्त काढायचं नाही
जीव ओतायचा
पण जीवन हरपायचं नाही
विसर्जित व्हायचं
पण स्वत्व गमवायचं नाही
आणि आपल्या अंतरंगातील पंच
तटस्थ समयसूज्ञ साक्षी
थांबा म्हणतील त्या क्षणी थांबायचं
आणि जवळ जमलेले
-- चंद्राचे तुकडे घेउन
-- आपापल्या अंधारात
विलीन व्हायचं
No comments:
Post a Comment