सरिवर सरी आल्या ग
सचैल गोपी न्हाल्या ग
गोपी झाल्या भिजून चिंब
थरथर कांपति निंब-कदंब
घनांमनांतुन टाळ-मृदंग
तनूंत वाजवि चाळ अनंग
पाने पिटती टाळ्या ग
सरिवर सरी आल्या ग
मल्हाराची जळांत धून
वीज नाचते अधुनमधून
वनात गेला मोर भिजून
गोपी खिळल्या पदीं थिजून
घुमतो पांवा सांग कुठून?
कृष्ण कसा उमटे न अजून?
वेली ऋतुमति झाल्या ग
सरिवर सरी आल्या ग
हंबर अंबर वारा ग
गोपि दुधाच्या धारा ग
दुधांत गोकुळ जाय बुडून
अजून आहे कृष्ण दडून
मी-तूं-पण सारें विसरून
आपणही जाऊं मिसळून
सरिवर सरी आल्या ग
दुधांत न्हाणुनि धाल्या ग
सरिवर सरी : सरिवर सरी....
घुमतो पांवा सांग कुठून?
ReplyDeleteकृष्ण कसा उमटे न अजून?
मस्त
ReplyDelete